बुधबार , जेठ ४, २०७९

चुनावको मिति घोषणा नहुँदै पार्टी एकताको सहमति, प्रचण्ड पहिलो अध्यक्ष हुनेगरि सहमति !

माघ २४, २०७८ सोमबार 212

नयाँ पार्टी खोलेर माओवादीमा बिलय हुने प्रचण्डसँगको पूर्वसहमति अनुसार नै पूर्वप्रधानमन्त्री माधवकुमार नेपाल बिपक्षी गठबन्धनमा सामेल भएको तथ्यहरुले देखाएको छ ।

एमालेबाट निश्काशित नेता नेपाल अहिले प्रधानमन्त्री केपी शर्मा ओलीबिरुद्धको बिपक्षी गठबन्धनमा सहभागी छन् । तत्कालीन नेपाल कम्युनिस्ट पार्टीका अध्यक्ष पुष्पकमल दाहाल प्रचण्ड र माधवकुमार नेपाल एकजुट भएका थिए ।

प्रधानमन्त्री ओलीविरुद्ध एक भई नेकपाको फरक खेमा बनाई शक्ति बाँडफाँड गरी दुवै नेता अध्यक्ष भएका थिए ।सर्वोच्च अदालतको २३ फागुनको फैसलाले एमाले र माओवादी केन्द्र ब्युँताएपछि प्रचण्ड र नेपाल पुरानै अवस्थामा फर्किए।

तर, दुवैको एकता टुटेन । प्रचण्ड र नेपाल अहिले विपक्षी गठबन्ध नमा छन् ।प्रचण्ड र नेपालले भविष्यसम्मलाई मध्यनजर गरी एक भई बढ्ने खाका बनाइसकेको बुझिएको छ । यसका लागि विकल्पहरु तयार समेत गरेका छन् ।

जसअनुसार नेकपा एकीकृत निर्वाचन आयोगमा दर्ता भई प्रमाण पत्र मिलिसकेको छ । दर्ता अरुको नाममा भएपनि यसका पछाडि पूर्वप्रधानमन्त्री माधवकुमार नेपालनै सहभागी छन् । जीवन राई नेतृत्वको नेकपा एकीकृतको कलम चिन्ह छ ।

कलम चिन्ह लिएर नेपाल समूहका खिमलाल देवकोटा राष्ट्रिय सभाको चुनाव जितिसेका छन् । यो संयोग मात्र होइन ।अब सुर्य चिन्ह छाडेर नेपाल कलम चिन्हबाट चुनावमा जाने तयारीमा छन् । उनले एमालेमा अव फर्कन नसकिने ।

निश्कर्षसहित नयाँ दल खोलेर बढ्ने रणनीति बनाएका हुन् । यही दलमा नेपालसहित प्रचण्ड नेतृत्वमा रहेर बढ्ने योजना बनेको बुझिएको छ ।नेपालले एमालेमा फर्कन नसक्ने स्पष्ट संकेत गरिसकेका छन् ।

एमालेको ठूलो समूहलाई साथ लिएर योभन्दा ठूलो कम्युनिस्ट पार्टी बनाउने लक्ष्यसहित बढेका छन् ।नेपाल र प्रचण्ड मिलेमा ओली नेतृत्वको एमालेभन्दा बलियो हुनसक्ने भन्दै एमालेमा बढी क्षती पुर्याउन दुवै नेता केन्द्रित भएका छन् ।

प्रतिकृया दिनुहोस्