Friday, June 9
Shadow

जसपा पार्टी चुर्लुम्मै दूब्यो, पार्टी फुट्दै !

काठमाडौं ।

 

जनता समाजवादी पार्टी, नेपालका अध्यक्ष उपेन्द्र यादव र वरिष्ठ नेता अशोक राईबीच सम्बन्ध चिसिएको छ ।मंसिर ४ गतेको निर्वाचनमा एमालेसँग सहकार्य गरेको जसपाले अब सहकार्य अघि बढाउने कि तोड्ने भन्ने ।

 

विषयले दुई नेताबीच दरार पैदा भएको छ । यादवले सोमबार विराटनगरबाट काठमाडौं आउने क्रममा एमालेसँगको सहकार्यको औचित्य समाप्त भएको अभिव्यक्ति दिएका थिए ।

 

यादवको अभिव्यक्तिले अब जसपा सरकार गठनमा सत्ता गठबन्ध नसँग नजिकिएको रुपमा बुझिएको छ । यादव आँफै सप्तरीबाट चुनावमा पराजित भए । यादवको बुझाईमा एमाले–जसपा सहकार्यमा एमालेलाई नै बढि लाभ भएको छ ।

 

उनले आफूहरुको सहकार्य चुनावी प्रयोजनको लागि मात्रै भएकोले अब चुनाव सकिएपछि सहकार्यको औचित्य समाप्त भएको बताउन थालेका छन् । तर, वरिष्ठ नेता राई भने एमालेसँग नै मिलेर अघि बढ्नुपर्ने पक्षमा छन् ।

 

कतिपयले यादव र राईको विवादले जसपा नै विभाजन हुने त होईन ? भनेर प्रश्न उठाएका छन् । जसपामा अहिले निर्वाचित सांसद हरुमध्ये अधिकांश सांसद अध्यक्ष यादवसँग रुष्ट छन् । उनीहरुले वरिष्ठ नेता राईलाई नै साथ दिने बुझिएको छ ।